بەڕێوەبەرایەتیی گشتیی تەندروستیی سلێمانی لەبارەی دەنگۆی پزیشکێک کە لە میدیاکان باسی لەوە کردووە نەخۆشخانەی فێرکاری لەلایەن بەڕێوەبەرایەتییەکەوە پشتگوێخراوە و دەکرێت بە پڕۆژەی بازرگانی ڕایگەیاند، “ئەو دەنگۆیانە هیچ بنەمایەکیان نییە و دوورن لە ڕاستییەوە”.
لە لێدوانێکدا بۆ تۆڕی میدیایی ئێستا دکتۆر سەباح هەورامی بەڕێوەبەری گشتیی تەندروستیی سلێمانی جەختیکردەوە، هەواڵەکە ڕاست نییە و سکاڵای یاساییان لەسەر پزیشکەکە تۆمارکردووە.
لەبارەی ئەو دەنگۆیانەوە بەڕێوەبەری تەندروستیی سلێمانی ڕایگەیاند، “یەکێک لە پزیشکەکانی سلێمانی لە چەند میدیایەک باسی لەوە کردووە، گوایە تەندروستیی سلێمانی نەخۆشخانەی فێرکاریی فرۆشتووە و شوێنەکە دەکرێت بە پڕۆژەی بازرگانی، لە بەرامبەر ئەم هەواڵە ناڕاستەدا تەندروستیی سلێمانی سکاڵای یاسایی لەسەر ئەو پزیشکە تۆمارکردووە”.
دڵنیاییدا کە هەموو ئەو زانیارییانە ناڕاستن و تەندروستیی سلێمانی لە خەمی باشترکردن و فراوانکردنی نەخۆشخانەکەدایە.
جەختیشیکردەوە، “تەندروستی و وەک کەرتێکی گرنگی خزمەتکاری خەڵکی شاری سلێمانی بەردەوامدەبێت لە بەرزکردنەوەی ئاستی کەرتی تەندروستیی حکومی”.
