ئێوارەی ئەمڕۆ لە هۆڵی شەهید ئاشتی لەمەكتەبی رێكخستن، رەفعەت عەبدوڵا و سەركەوت زەكی ئەندامانی مەكتەبی سیاسی و مامۆستا خالید پێشوازیان لەژمارەیەك لێپرسراو و تەواوی هەڤاڵانی مەكۆی گۆڕان لە پیرەمەگرون كرد كە بڕیاریانداوە لەناو ریزەكانی یەكێتیی نیشتمانیی كوردستاندا درێژە بەخەبات بدەن.
رەفعەت عەبدوڵا لە وتەیەكدا بەناوی مەكتەبی سیاسی یەكێتییەوە بەخێرهاتنی كردن و رایگەیاند، یەكێتی ماڵی هەموو كەس و تێكۆشەر و كورد پەروەرێكە و هەمیشە دەرگای واڵایە و ماڵە گەورەكەی هەمووانە، دواتر داوایلێكردن كە هەموو توانایان بخەنەكار بۆ سەرخستنی لیستی 129ی یەكێتیی نیشتمانیی كوردستان و پەیامی یەكێتی بگەیەننە هەموو كەسوكار و دۆست و هەڤاڵەكانیان، تاوەكو دەنگ بە لیستی یەكێتی بدەن.
راشیگەیاند، ئەم حكومڕانییەی ئێستا لە كوردستان هەیە حكومڕانییەكی قۆرخكار و نادادپەروەر و خۆسەپێنە و پێویستە رێڕەوی حكومڕانییەکە ڕاستبكەینەوە و لە بەرامبەردا مستەفا سەڵاحەدین فەتاح لێپرسراوی مەكۆی گۆڕان بەناوی هەموو هەڤاڵانی مەكۆی پیرەمەگرونەوە بەڵێنیان دا پشتیوانی تەواوی لیستی 129ی یەكێتیی نیشتمانیی كوردستان بكەن و دڵسۆزانە شان بەشانی هەڤاڵەكانیان كاربكەن بۆ سەرخستنی لیستی 129.
