سێ ڕۆژ پێش ئێستا، بەهۆی تەقینەوەی نارنجۆکێکەوە، کارمەندێکی مەشق و ڕاهێنانی ئاسایشی هەولێر بە سەختی بریندار بوو، ئێوارەی ئەمڕۆ گیانی لە دەستدا، ئەوەش دووەم حاڵەتی گیان لە دەستدانی کارمەندانی ئاسایشی هەولێرە لەسەر کارەکانیان.
سێ ڕۆژ پێش ئێستا “مامەند ئیسماعیل” مامۆستای مەشق و ڕاهێنان لە بەڕێوبەرایەتی ئاسایشی هەولێر، نارنجۆکێکی پێدا تەقییەوە و ڕەوانەی نەخۆشخانەکرا، دوای سێ ڕۆژ مانەوەی بەهۆی سەختی برینەکەیەوە ئێوارەی ئەمڕۆ گیانی لە دەستدا.
بەڕێوبەرایەتی ئاسایشی هەولێر ڕۆژی چواری مانگی ڕابردوو ڕایگەیاند، ” بە داخەوە کارمەندمان ( باقی شهاب سورچی ) لە کاتی ئەرکی فەرمی لە ڕووداوێکدا گیانی لەدەستدا”.
