پۆلیسی راپەڕین دەستگیرکردنی دوو کەسی راگەیاند کە تۆمەتباری دزینی ماتۆڕسکیل بوون.
بەڕێوەبەرایەتیی پۆلیسی راپەڕین بڵاویکردەوە، لەسەر سکاڵای هاوڵاتییەک کە بەوتەی خۆی ماتۆڕسکیلەکەی لێدزراوە، دەستبەجێ هێزەکانمان لە نووسینگەی نەهێشتنی تاوانی پشدەر دەستیان بە لێکۆڵینەوە کرد و دوای ئاشکراکردنی ناسنامەی تۆمەتباران دوو تۆمەتبار دەستگیرکران کە یەکێکیان بەهاوکاری بەشی نەهێشتنی تاوانی راپەڕین دەستگیرکراوە.
ئاشکراشیکرد، دوای لێکۆڵینەوە لەگەڵیاندا تۆمەتباران لەبەردەم پۆلیس و دادگا دانیان ناوە بە تاوانەکەیاندا و بەبڕیاری دادوەر و بە ماددەی 446 لە یاسایی سزادانی عێراقی راگیراون، پەڕاوی لێکۆڵینەوەشیان بۆ رێکخراوە.
