رێخراوی تەندروستیی جیهانی بڵاویکردەوە، جیهان لە مەترسی ڤایرۆسی ماربۆرگ دایە، کە ڤایرۆسێکی چارەسەرنەکراوە و لەلایەن زانایانەوە نەناسراوە.
رێکخراوەکە باسی لەوەکردووە، نەخۆشییەکە ئەگەری گواستنەوەی لەنێوان وڵاتانی دراوسێدا هەیە، دوای ئەوەی حاڵەتی تووشبوون لە ناوچەکانی هاوسنوور لە نێوان کۆماری دیموکراتی کۆنگۆ، کۆماری یەکگرتووی تانزانیا و ئۆگاندا تۆمارکراون.
ئاماژەی بەوەشکرد، مەترسی بڵاوبوونەوەی نێودەوڵەتیی ڤایرۆسەکە زۆرە، بەو پێیەی حاڵەتی پشتڕاستکراوە لە وڵاتەکاندا تۆمارکراوە، کە فڕۆکەخانە نێودەوڵەتییەکان و تۆڕی رێگاوبان و چەند شارێکی رۆژهەڵاتی ئەفریقا هەیە.
میدیا جیهانییەکان بڵاویانکردەوە، وەزارەتی تەندروستیی رواندا یەکەم حاڵەتی بڵاوبوونەوەی ڤایرۆسەکی لە وڵاتەکەی پشتڕاستکردووەتەوە، دوای دەستنیشانکردنی چەند حاڵەتێک لە 7 پارێزگا لە کۆی 30 پارێزگای وڵاتەکە.
زانایان نیگەرانن لەوەی کەسێک کە گومانی تووشبوونی بە ڤایرۆسەکەی لەسەرە، رواندای بەجێهێشتووە، چونکە سەرچاوەی ڤایرۆسەکە و چۆنیەتی بڵاوبوونەوەی نادیارە.
ڤایرۆسی ماربورگ لە رێگەی شەمشەمەکوێرە بۆ مرۆڤ دەگوازرێتەوە و لە رێگەی بەرکەوتنی راستەوخۆ لەگەڵ شلەی جەستەی کەسانی تووشبوو، لەسەر رووکار و کەرەستە لە نێوان مرۆڤەکاندا بڵاودەبێتەوە.
نیشانەکانی ڤایرۆسەکە بریتین لە سەرئێشەی توند، ئازاری سک، و خوێنبەربوون لە لووت و دەمەوە بۆ باشترکردنی دۆخی تووشبووکە، چەند چارەسەرێک بەکاردەهێندرێت بەڵام چارەسەری نەخۆشییە نین و چارەسەری پاڵپشتن.
