زەهرا پاڤلۆڤا پزیشکی تایبەتمەند لە زانکۆی مۆسکۆ ڕایگەیاند، وەرگرتنی ڤیتامینەکان دەکرێت باری تەندروستی باشتر بکات، بەڵام دەشبێتە هۆی زیادبوونی کێش.
پزیشکەکە لە گفتوگۆیەکی ڕادیۆی “سپوتنیک”ـدا ئاماژەی بەوە داوە، زۆر کەس ڤیتامینەکان لە شێوەی کەپسوول و تەواوکەری خۆراکیدا دەخۆن، بەڵام ئەم کارە ڕەنگە ئەنجامی نەرێنییشی هەبێت، چونکە ڤیتامینەکان هەستکردن بە برسێتی زیاددەکەن.
بۆیە ڕێنمایی بەوانە دەدات کە بە بەردەوامی ڤیتامینەکان دەخۆن، وەرزش بکەن و بە شێوەیەکی “ئەقڵانی” نان بخۆن.
