پۆلیسی ئەڵمانیا پیاوێکی دەستگیرکرد کە 90 ژەم ڤاکسینی دژە کۆرۆنای وەرگرتووە و مەبەستی لەو کارەش فرۆشتنەوەی کارتی ڤاکسینەکان بووە بەو کەسانەی ڤاکسینیان وەرنەگرتووە.
بەپێی میدیاکانی ئەڵمانیا ئەو پیاوەی دەستگیرکراوە تەمەنی 60 ساڵە و سەرجەم ژەمەکانی ڤاکسینەکەی لە ویلایەتی ساکسۆنیا وەرگرتووە، دوای وەرگرتنی کارتی ڤاکسین لەڕێگەی ساختەکردنییەوە فرۆشتوویەتی بەوکەسانەی نەیانویستووە ڤاکسین وەرگرن و پێویستیان بە کارتی ڤاکسین هەبووە.
تۆڕی NBC بڵاویکردەوە، ئەو کەسە بەتۆمەتی ساختەکردنی مامەڵە فەرمییەکان لەبەرامبەر بڕێک پارەدا دەستگیرکراوە و لێکۆڵینەوەی لەگەڵ دەکرێت.
لەکاتی دەستگیرکردنیدا ژمارەیەکی زۆر لە کارتی ڤاکسین لە ماڵەکەیدا دۆزراوەتەوە کە ئامادەکراون بۆ ساختەکردن و فرۆشتن.
بەشێکی هاوڵاتییانی ئەڵمانی ڕەتیدەکەنەوە ڤاکسینی کۆرۆنا وەربگرن لەگەڵ ئەوەشدا دەیانەوێت دەستیان بگات بە کارتە ڕێگەپێدراوەکانی ڤاکسین، ئەمەش وایکردووە لە چەند مانگی کۆتاییدا پۆلیسی ئەڵمانیا چەندین حاڵەتی ساختەکاری لەو کارتانەدا تۆماربکات.
