بەمەبەستی رێكخستنەوە و كاری قیرتاوكردن رێگایەكی سەرەكی لە سلێمانی دادەخرێت و داوا لە شۆفێران دەكرێت شەقامەكانی دەوروبەر بەكاربهێنن.
سەرۆكایەتیی شارەوانیی سلێمانی رایگەیاند، لە كاتژمێر 5ی ئێوارەی ئەمڕۆوە شەقامی بەردەم شوقەكانی دەروازە و پارێزگای سلێمانی بەربەست دەكرێت.
دەشڵێت، داخستنەكە بە مەبەستی رێکخستنەوەی شەقامەكەیە لەگەڵ شەقامی خزمەتگوزاریی شارێی پێشمەرگە.
داواش لە هاوڵاتییان دەكات شەقامەکانی دەوروبەر بەکاربھێنن تا لە نزیكترین ماوەدا کارەکە تەواودەبێت.
