بەرزبوونەوەی نرخی زێڕ لەماوەی رابردوودا، بابەتێکی گەرمی جیهان بوو، دوای ئەوەی بەردەوام ریکۆردە مێژووییەکانی خۆی دەشکاند، بەڵام لە مامەڵەکانی ئەمڕۆ هەینیدا، نرخی کانزاکە دابەزینی تۆمارکرد.
لە مامەڵە جیهانییەکاندا، نرخی کانزاکە 0.1%ی نرخەکەی لەدەستدا بۆ 2666 دۆلار، ئەوەش لەدوای بەرزترین نرخی خۆی کە 2685 دۆلار بوو بەر لە دابەزین تۆماریکرد.
دابەزینەکە لەدوای ئەوە دێت لەسەرەتای ئەمساڵەوە، نرخی کانزاکە، 29% لە بازاڕەکانی جیهاندا بەرزبوونەوەی بەخۆیەوە بینیووە کە نرخێکی تەواو نامۆ و مێژووی بوو، ئەوەش لەدوای کەمکردنەوەی سوودی بانکی لەلایەن ئەنجومەنی یەدەگی فیدڕاڵیی ئەمریکاوە.
ئێستا کیلۆیەک زێڕ لەبازاڕە جیهانییەکان هاوتای، 85 هەزار و 854 دۆلاری ئەمریکییە و سەرەڕای دابەزینە کەمەکەش بەڵام هێشتا نرخی زێڕ لەچاو ساڵانی رابردوودا لە بەرزیدایە.
