بەڕێوەبەری سایلۆکانی سلێمانی رایدەگەیەنێت، “گرفتی ئەلیکترۆنی بۆ خەرجکردنی پارەی گەنمی جوتیارانی سلێمانی و هەڵەبجە دروستبووە”.
نەسرین ئەحمەد، بەڕێوەبەری سایلۆکانی سلێمانی بە تۆڕی میدیایی ئێستای راگەیاند، بۆ خەرجکردنی پارەی گەنمی جوتیارانی سلێمانی و هەڵەبجە، گرفتی ئەلیکترۆنی لەنێوان هەرێم و عێراق دروستبووە و بانکی رافیدەین دەڵێت، چەکەکان سیستم نایان خوێنێتەوە.
باسی لەوەشکرد، بۆ چارەسەری گرفتەکە لەسەر هێڵین و بەڵێنمان پێدراوە سبەینێ چارەسەر بکرێت.
لەبارەی بڕی پارەکەوە رایگەیاند، بڕەکەی 67 ملیار و 84 ملیۆن دینارە و بۆ جوتیارانی سنووری پارێزگای سلێمانی و هەڵەبجەیە.
