دەستەی کەشناسی و بوومەلەرزەزانی عێراق رایگەیاند، بەیانی ئەمڕۆ لە کاتژمێر 7:14 خولەکدا بوومەلەرزەیەکی بچووک کە گوڕەکەی 2.6 پلە بووە لە سلێمانی روویداوە.
دەستەکە ئاماژەی بەوەکردووە، بە دیاریکراوی بوومەلەرزەکە لە دووری 10 کیلۆمەتر لە باکووری شاری سلێمانی روویداوە.
باسی لەوەشکردووە، بەهۆی نزمی پلەی بوومەلەرزەکەوە کە 2.6 پلە بووە بە پێوەری رێختەر و لە قوڵایی 10 کیلۆمەتری ژێر زەویدا روویداوە، لەلایەن دانیشتوانی ناوچەکەوە هەستی پێنەکراوە.
هاوکات، هیچ بوومەلەرزەیەکی دیکە لە پێش خۆی و دوای خۆیدا تۆمارنەکراوە.
