بەغداد مووچەی ئەم مانگەی خانەنشینان دابەشدەكات و لە هەرێم هێشتا مووچەی مانگی پێشوو نەدراوە

وەزارەتی دارایی عێراق، داوای لە دەستەی خانەنشینیی نیشتمانی كرد دەست بە دابەشكردنی مووچەی ئەم مانگە (تشرینی دووەم)ی خانەنشینانی مەدەنی و سەربازی بكات.

بەپێی ڕاگەیەندراوێكی وەزارەتەكە، داوا لە هەردوو بانكی ڕەشید و ڕافیدەین و دەستەی خانەنشینیی نیشتمانی كراوە ڕێوشوێنەكانی خەرجكردنی مووچەی ئەم مانگەی خانەنشینان لەڕێی كارتی ئەلیكترۆنییەوە دەستپێبكەن.

وەزارەتی دارایی عێراق داواشی لە خانەنشینان كردووە ئەوانەی لەمڕۆوە نامەی ئەلیكترۆنییان بۆدێت، سەردانی لقی بانكەكان و ئامێرەكانی پارەدان لە بەغداد و پارێزگاكان بكەن بۆ وەرگرتنی مووچەكانیان.

ئەو هەنگاوەی حكومەتی ناوەند لەكاتێكدایە لە هەرێمی كوردستان تائێستا زۆرینەی وەزارەت و فەرمانگەكان و هەردوو توێژی خانەنشینانی مەدەنی و سەربازی مووچەی مانگی ڕابردوویان وەرنەگرتووە، سەرەڕای ئەوەی دوو ڕۆژ بەسەر هاتنی مانگی نوێدا تێپەڕبووە.

بابەتی پێشتر

پارێزگاری هەولێر: لە سبەینێوە دەست بە قەرەبووكردنەوەی زیانلێكەوتووانی لافاوەكە دەكرێت

بابەتی دواتر

سێ فراكسیۆن و سەربەخۆكان بایكۆتی كۆبوونەوەی سەرۆكایەتیی پەرلەمان و سەرۆك فراكسیۆنەكان دەكەن

بابەتی پەیوەندیدار