بەڕێوەبەری گشتیی بازرگانیی هەرێم رایدەگەیەنێت، ئامادەكاریی كراوە بۆ دابەشكردنی حەوتەم بەشەخۆراك و هەشتەم بەشەئارد بەسەر هاوڵاتییاندا.
نەوزاد شێخ كامیل، بەڕێوەبەری گشتیی بازرگانیی هەرێم لە لێدوانێكدا رایگەیاند، دابەشكردنی شەشەم بەشەخۆراك بەسەر هاوڵاتییاندا بەكۆتاهاتووە و ئامادەكاریكراوە بۆ دابەشكردنی حەوتەم بەشەخۆراك كە ماددەخۆراكییەكان لە كۆگاكاندان و ئامادەن هەر كاتێك بڕیاردرا دەست بە دابەشكردنیان دەكرێت.
وتیشی، “بۆ دابەشكردنی هەشتەم بەشەئارد بەسەر هاوڵاتییاندا ئامادەكاری دەكرێت و گەنم بۆ سایلۆكان دابیندەكرێت كە بكرێتە ئارد و دواتر رێگای بریكارەكانەوە بەسەر هاوڵاتییاندا دابەشبكرێت”.
