بەڕێوەبەرایەتیی پۆلیسی سلێمانی بڵاویکردەوە، لەسەر سكاڵای چەند هاوڵاتییەك كە دزییان لێكرابوو، مەفرەزەكانی نوسینگە نەهێشتنی تاوانی راپەڕین تۆمەتبارێكیان دەستگیركرد.
بەڕێوەبەرایەتییەکە ئاماژەی بەوەشکردووە، دوای ئەوەی چەند هاوڵاتییەك سكاڵایان تۆماركرد كە لە فرۆشتگاكانیان دزییان لێكراوە، هێزەكانی پۆلیسی لێكۆڵینەوەو بەدواداچوونەكانیان دوای وەرگرتنی بڕیاری دادوەر توانیان تۆمەتبار بدۆزنەوە و لە لایەن مەفرەزەكانی نوسینگەی نەهێشتنی تاوانی راپەڕینەوە دەستگیربكرێت كە لە چەند فرۆشتگایەكی چەند گەڕەكێكی شاری سلێمانی دزی كردبوو .
باس لەوەشکراوە، لە ئێستادا تۆمەتبار کە لەدایكبووی 1996-ە بەبڕیاری دادوەر و بەپێی ماددەی 443 و 446 لەیاسای سزادانی عیراقی راگیراوە و دانی ناوە بە تاوانەكانیدا .
