لە سەر رێگای کەرکوک-بەغداد، جوتیارانی گوندی تۆپزاوا دژی داگیرکردنی زەوییەکانیان لەلایەن هێزە عێراقییەکانەوە خۆپیشاندانیان ئەنجامدا.
پەیامنێری تۆڕی میدیایی ئێستا لە کەرکوک گواستییەوە، جوتیارانی گوندی تۆپزاوای سنووری پارێزگای کەرکوک، لەسەر رێگای کەرکوک-بەغداد نزیک لە فڕۆکەخانەی کەرکوک خۆپیشاندانیان ئەنجامدا.
جوتیارانی ئەو گوندە ناڕەزایی پیشاندەدەن بەرامبەر مامەڵەی هێزە عێراقییەکان کە زەوییەکانیان لە گوندی تۆپزاوا لەلایەن ئەو هێزانەوە داگیرکراوە و رێگەنادەن کار لە زەوییەکانیاندا بکەن.
