بانکی ناوەندیی عێراق خشتەی فرۆشتنی دۆلاری بۆ ئەمڕۆ بڵاوکردەوە و زیاتر لە 251 ملیۆن دۆلاری خستە بازاڕەوە.
بەپێی راگەیەندراوەکەی بانکی ناوەندی کە وێنەیەکی دەست تۆڕی میدیایی ئێستا کەوتووە، ئەمڕۆ بڕی 251 ملیۆن و 351 هەزار و 976 دۆلاری خستووەتە بازاڕەوە، لەو بڕەش 241 ملیۆن و 501 هەزار و 976 دۆلاریان بە شێوەی حەواڵەیە و تەنها نۆ ملیۆن و 850 هەزار دۆلاری بە شێوەی نەختینە بووە.
کۆتا خستنەڕووی خشتەی فرۆشی دۆلار لەلایەن بانکی ناوەندیی عێراقەوە 8ی ئەیلولی 2024 بوو کە تێیدا 253 ملیۆن و 382 هەزار و 970 دۆلاری خستبووە بازاڕەوە.
