وتەبێژی فەرماندەی هێزە چەکدارەکانی عێراق دووپاتی کردەوە، عێراق پێویستی بە هیچ هێزێکی دەرەکی نییە لەناو خاکەکەیدا و رەتیشیکردەوە هیچ هێزێکی بیانی نوێ هاتبێتنە ناو عێراقەوە.
لیوا یەحیا رەسوڵ فەرماندەی هێزە چەکدارەکانی عێراق رایگەیاند، لەماوەیەکی نزیکدا کاری لیژنەی هاوبەشی نێوان حکومەتی عێراق و هێزەکانی هاوپەیمانان دەستپێدەکات لەبارەی دانانی خشتەیەک بۆ کشانەوەی هێزەکانی هاوپەیمانان لە عێراق و داڕشتنەوەی پەیوەندی ئەو وڵاتانە لەگەڵ عێراق.
ئاماژەی بەوەشکرد، حکومەتی عێراق بە ئاڕاستەی کۆتاییهێنان بە بوونی هێزە بیانییەکان لە عێراقدا کاردەکات و هەنگاودەنێت.
لە قۆناغی داهاتووشدا دیدگایەکی هەیە کە بریتییە لە کاری تەکنیکی هاوبەش بۆ کۆتاییهێنان بە ئەرکی هاوپەیمانی نێودەوڵەتی و هەنگاونان بۆ ئاستەکانی هاوکاری ئەمنی و سەربازی دوولایەنە،لیوا یەحیا رەسول وای وت.
