یەکەم رۆژی ساڵی نوێی خوێندن دیاریکرا

وتەبێژی وەزارەتی پەروەردەی هەرێم رایگەیاند، رۆژی 25ی ئەیلول یەکەم رۆژی ساڵی نوێی خوێندنە.

ئەمڕۆ ئەنجومەنی وەزارەتی پەروەردە لەبارەی دیاریکردنی ساڵنامەی خوێندن و چەند پرسێکی دیکەوە کۆبووەوە.

دوای کۆبوونەوەکە، سامان سیوەیلی، وتەبێژی وەزارەتی پەروەردەی هەرێم رایگەیاند، ئەنجومەنی وەزارەتی پەروەردە لە کۆبوونەوەی ئەمڕۆیدا بڕیاریدا رۆژی چوارشەممە، 25ی ئەیلولی 2024 یەکەم رۆژی ساڵی نوێی خوێندنی (2024 – 2025) بێت.