بەڕێوەبەرایەتیی ئاسایشی پارێزگای سلێمانی ئاشکرایکرد کە هەوڵەکانیان بۆ دەستبەسەرداگرتنی ئۆتۆمبێلە بێسەرەتاکان و چەکی بێمۆڵەت بەردەوامە.
لە ڕاگەیەندراوێکدا ئاسایشی سلێمانی، “ھێزەکانی بەڕێوەبەرایەتیی ئاسایشی پارێزگای سلێمانی، بەمەبەستی دەستگیرکردنی گومانلێکراوان و دەستبەسەرداگرتنی ھەموو جۆرە ئۆتومبێلێکی بێسەرەتا و چەکی بێمۆڵەت و ڕەشکردنی جامی ئۆتومبێل و ھەرکارێکی نایاسایی، بەردەوامن لە ھەڵمەتی چەسپاندنی یاسا و بەرقەرارکردنی ئاسایش و ئارامی”.
سوپاسی هاوڵاتییانی شاری سلێمانی دەکات بۆ هاوکاریکردنی هێزەکانی ئاسایش بۆ سەرکەوتنی ئەو هەڵمەتە.
