جێگری سەرۆكی ئەنجومەنی نوێنەرانی عێراق رایدەگەیەنێت، محەمەد شیاع سودانی سەرۆك وەزیرانی عێراق بڕیاریدا بە ناردنی 200 ملیار دینار وەكو شایستەی دارایی بۆ جووتیارانی هەرێمی كوردستان.
شاخەوان عەبدوڵا، جێگری سەرۆكی ئەنجومەنی نوێنەرانی عێراق لە لێدوانێكیدا رایگەیاند، ئەمڕۆ پەیوەندیی تەلەفۆنی لەگەڵ محەمەد شیاع سودانی سەرۆك وەزیرانی عێراق ئەنجامداوە و پێی راگەیاندووە كە بڕیاریداوە بە ناردنی 200 ملیار دینار وەكو شایستەی دارایی بۆ جووتیارانی هەرێمی كوردستان.
راشیگەیاند، بەهۆی نەبوونی پارەی تەختینەوە لە ئێستادا 200 ملیار دینار دەنێردرێت و بۆ مانگی داهاتوو تەواوی شایستەی دارایی جووتیارانی هەرێمی كوردستان دەنێردرێت.
