“نەوشیروان مستەفا نەخشەی ڕاپەڕینی دانا”
مەلا بەختیار: ڕاپەڕین ‏بۆ ئەوەیە خەونی گەلان بەدیبهێنێت نەك زیادبوونی ناڕەزایی

مەلا بەختیار: یەكێتی داینامۆی ڕاپەڕین بوو و نەوشیروان مستەفا نەخشەی ‏ڕاپەڕینەكەی دانا

مەلا بەختیار دەڵێت، یەكێتیی داینەمۆی ڕاپەرین بوو و نەوشیروان مستەفا نەخشەكەی دانا، ‏ڕەخنەش لە دەرەنجامەكانی ڕاپەڕین و حوكمڕانیی هەرێمی كوردستان دەگرێت.‏

لە ساڵڕۆژی ڕاپەرینی شاری سلێمانیدا، مەلا بەختیار، ئەندامی ئەنجومەنی باڵای سیاسی و بەرژەوەندیی یەكێتیی نیشتمانیی ‏كوردستان ڕایگەیاند، “بۆ مێژوو باسیدەكەم، ‏چەند مانگێك بەر لە ڕاپەرین، كاك ملازم عومەر دەچێتە لای مام جەلال لە دیمەشق و ‏دوایین گۆڕانكارییەكان تاوتوێدەكەن، مام جەلال بە كاك ملازم عومەر دەڵێت، پێشبینیی ‏ڕووداوێك لە ناوچەكە دەكات و داوا لە مەكتەبی سیاسیی یەكێتی دەكات شەش مانگ ‏مۆڵەتی بدەن و هیچ هەنگاوێك نەنێن، ئەوەش بە نامەیەك بۆ مەكتەبی سیاسیی یەكێتی ‏دەنێرێت”.‏

مەلا بەختیار ئاشكراشیكرد، “بەر لە داگیركردنی كوەیت هیچ كەسێك بیری لە ڕاپەرین ‏نەكردبووەوە و دوای ئەو ڕووداوە دەروازەكە كرایەوە، بەرەی كوردستانی تەبەنیی ‏ڕاپەڕینی كرد، بەڵام یەكێتیش داینەمۆی ڕاپەڕین بوو و نەوشیروان مستەفا نەخشەی ‏ڕاپەڕینەكەی دانا”.‏

ڕەخنەشی لە حوكمڕانیی دوای ڕاپەڕین لە هەرێمی كوردستان گرت، ڕایگەیاند، “ڕاپەرین ‏بۆ ئەوەیە خەونی گەلان بەدیبهێنرێت، بۆ ئەوە نەبووە حكومەت بگۆڕێت و وەكو ئێستا ‏ناڕەزایی هاوڵاتییان بەرامبەر حكومەت زیادبكات، ئەگەر تێبینی بكەین هەڵبژاردن لە ‏دوای هەڵبژاردن دەنگی سەرجەم لایەنەكان كەمدەكات و گەیشتووەتە ڕادەیەكی ترسناك”.‏

مەلا بەختیار پێشیوایە، “ئێستا هەرێمی كوردستان دووچاری چەندین كێشەی ‏هەڵپەسێردراو بووە، ناڕەزایی بەرفراوان بەرامبەر حكومەتی هەرێمی كوردستان هەیە وامانلێهاتووە خاوێننەكردنەوەی گەڕەك و شەقامەكان و دابەشكردنی ‏مووچە بوونەتە ڕووداو لەكاتێكدا ئەركێكی سروشتیی حكومەتە”.‏

بابەتی پێشتر

گەرمیان.. بەهۆی سێ ڕووداوی هاتوچۆوە هەشت كەس برینداربوون

بابەتی دواتر

چوار مەرجی ڕوسیا بۆ وەستاندنی شەڕی ئۆكرانیا "لە ئان و ساتدا" ئاشكراكران

بابەتی پەیوەندیدار
زیاتر ببینە

جوتیار عادل لەبارەی تیرۆركردنی ئەندامەكەی پەكەكە: خاکی هەرێم بۆ تێکدانی ئاسایشی ناوچەکە بەکارنەهێنرێت

جوتیار عادل وتەبێژی حکومەتی هەرێمی کوردستان لەبارەی تیرۆركردنی ئەندامەكەی پەكەكە ڕایگەیاند، “خاکی هەرێمی کوردستان بۆ تێکدانی ئاسایشی ناوچەکە…
Total
0
Share