پارێزگاری كەركوك لیژنەیەكی بۆ لێكۆڵینەوە لە پڕۆژەی پەرەپێدانی چەمی خاسە پێكهێناو دووپاتیكردەوە كە سەرپێچی و بەفیڕۆدان لە بەكارھێنانی ئاوی ژێرزەویدا ھەیە.
رێبوار تەها، پارێزگاری كەركوك لە بەیاننامەیەكدا رایگەیاند، لیژنەیەكی راسپاردووە سەردانی چەمی خاسە بكات لە شاری كەركوك بۆ لێكۆڵینەوە لە كارەكانی پڕۆژەی پەرەپێدانی ئاو بە پشتبەستن بە دروستكردنی چەند حەوزێك.
دەشڵێت، “پێویستە رۆژی چوارشەممە لیژنەكە بەدواداچوون بۆ كارەكانی پڕۆژەكە بكات كە پێچەوانەی رێنماییەكانی سەرۆك وەزیران و وەزارەتی سەرچاوە ئاوییەكانە”.
