بەڕێوەبەری کارگێڕی نەخۆشخانەی شار رایگەیاند، بەشی فریاکەوتنی نەخۆشخانەی شار فراوان دەکرێت و 20 قەرەوێڵەی نەخۆش زیادەکرێت.
ئومێد هیدایەت بەڕێوەبەری کارگێڕی نەخۆشخانەی شار رایگەیاند، بەهۆی ئەو پزیشکە پسپۆڕانە و ئەو شارەزاییەی وردانەی لە نەخۆشخانەکەدا هەبووە، بەشی فریاکەوتنی نەخۆشخانەی شار سوود بە هاوڵاتییانی نەک تەنها سلێمانی بەڵکو سەرجەم شارەکانی دیکەی هەرێم و عێراق دەگەیەنێت.
ئاماژەی بەوەشکرد، بۆ کەمکردنەوەی ئەو فشارەی لەسەر بەشەکە هەیە، ئەمڕۆ 20 قەرەوێڵەی دیکە لە نەخۆشخانەکە زیاددەکرێت، کە چوار قەرەوێڵەیان بۆ بەشی نەشتەرگەری فریاکەوتن دەبێت، 16 قەرەوێڵەی دیکەیان بەسەرجەم پێداویستییەکانییەوە بۆ بەشی پێش چاودێری ورد دەبێت و گرنگییەکی زۆری دەبێت بۆ کەرتی تەندروستیی سلێمانی.
