بەرپرسێکی یەکێتی لە کەرکوک رایدەگەیەنێت، “حکومەتی خۆجێی کەرکوک تەنها بۆ کورد نییە، بەڵکو بۆ سەرجەم پێکهاتە و لایەنە سیاسییەکانی شارەکەیە”.
رەوەند مەلا مەحمود، لێپرسراوی مەڵبەندی کەرکوک-ی یەکێتیی نیشتمانیی کوردستان، بە رۆژنامەنووسانی راگەیاند، “حکومەتی خۆجێیی کەرکوک تەنها بۆ کورد نییە، بەڵکو بۆ سەرجەم پێکهاتەکانی کەرکوک و لایەنە سیاسییەکانی شارەکەیە، هەموویان بەشدارن تیایدا”.
باسی لەوەش کرد، “دەبێت تەنها بیر لەوە بکەینەوە کە پێکەوەژیان بپارێزین و پێداویستییەکانی پشتیوانیکردن لەو حکومەتە خۆجێییە فەراهەمبکەین”.
رەوەند مەلا مەحمود، وتیشی، “دەبێت هەوڵبدەین گرفتەکانی کەرکوک لەڕووی خزمەتگوزاری و ئابوریییەوە چارەسەربکرێن و گەندەڵی نەمێنێت و لایەنی ئەمنیی شارەکە بەهێزبکرێت”.
