پۆلیسی سلێمانی وردەکاریی دەستگیرکردنی تۆمەتبارانی کوشتنی گەنجەکەی ناحیەی تەکیە و بریندارکردنی کەسێکی ئاشکراکرد.
بەڕێوەبەرایەتیی پۆلیسی سلێمانی بڵاویکردەوە، دوای ئه‌وه‌ی له ناحیه‌ی ته‌كیه‌ی كاكه‌مه‌ند له نێوان دوو بنه‌ماڵه‌دا شه‌ڕ و ئاڵۆزی دروستبوو، لە ئەنجامدا كه‌سێك كوژرا و كه‌سێكی تر برینداربوو، دەستبەجێ هێزه‌كانی پۆلیس گه‌یشتنه شوێنی رووداوه‌كه و لێكۆڵینه‌وه‌كان بۆ ده‌ستگیركردنی تۆمه‌تباران ده‌ستیپێكرد، دوای وه‌رگرتنی بڕیاری دادوه‌ر، توانرا له‌لایه‌ن مه‌فره‌زه‌كانی بنكه‌ی پۆلیسی ته‌كیه‌وه به هاوكاری به‌شی پۆلیسی دووكان سێ تۆمه‌تبار ده‌ستگیربكرێن.
ئاشکراشیکرد، له ئێستادا تۆمه‌تباران (ل، ع، ع- د، ل، ع – د، ل، ع) به بڕیاری دادوه‌ر و به‌پێی مادده‌ی 406 له یاسای سزادان راگیراون و لێكۆڵینه‌وه‌كان به‌رده‌وامن.
