بەڕێوەبەرایەتیی گشتیی كەشناسی و بومەلەرزەزانیی هەرێم رایدەگەیەنێت، ئەمڕۆ پلەكانی گەرما نزمدەبنەوە و سبەینێ ئەگەری بەرزبوونەوەی كەمێك تۆز هەیە.
بەپێی راگەیەندراوێكی بەڕێوەبەرایەتیی گشتیی كەشناسی و بومەلەرزەزانیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ هەینی ئاسمان بە گشتیی ساماڵ دەبێت، خێرای با لە سەرخۆ – مام ناوەند لە نێوان 10-20 كیلۆمەتر لەكاتژمێرێكدا دەبێت، پلەكانی گەرماش 1-2 پلە نزمتردەبنەوە بە بەراورد بە تۆماركراوەكانی دوێنێ.
هەر لە راگەیەندراوەكەدا هاتووە، سبەی شەممە ئاسمان ساماڵ دەبێت، لە كاتەكانی ئێوارە ئەگەری بەرزبوونەوەی كەمێك تۆز هەیە و پلەكانی گەرماش كەمێك نزمتردەبنەوە بە بەراورد بە تۆماركراوەكانی ئەمڕۆ.
بەرزترین پلەكانی گەرمای پێشبینیكراو بە پلەی سیلیزی :
هەولێر : 39 پلەی سیلیزی
سلێمانی :37 پلەی سیلیزی
دهۆك : 38 پلەی سیلیزی
كەركوك : 40 پلەی سیلیزی
هەڵەبجە : 40 پلەی سیلیزی
زاخۆ : 39 پلەی سیلیزی
حاجی ئۆمەران: 28 پلەی سیلیزی
سۆران : 37 پلەی سیلیزی
گەرمیان : 41 پلەی سیلیزی
