سەرۆكایەتیی شارەوانیی سلێمانی دەڵێت، “پڕۆژەی دروستكردنی پاركی ئۆتۆمبێل و سەوزكردنی بەردەم پێشانگای نێودەوڵەتی لە تاسڵوجە لە لایەن شارەوانیی سلێمانییەوە جێبەجێدەكرێت”.
لە راگەیەندراوەكەی شارەوانیی سلێمانیدا هاتووە، بە بڕیاری لەیلا عومەر سەرۆكی شارەوانیی سلێمانی، بەڕێوەبەرایەتیی شارەوانیی تاسڵوجە و بەرێوەبەرایەتیی باخچەكانی سلێمانی و بەشی ئامێرەكانی شارەوانی دەستیان کرد بە دروستكردنی پڕۆژەی پاركی ئۆتۆمبێل و سەوزایی بۆ بەردەم پێشانگای نێودەوڵەتیی سلێمانی لە تاسڵوجە.
ئاماژە بۆ ئەوەش كراوە، “دیزاینەكە پێكهاتووە لە وەستانی ئۆتۆمبێل و زیادكردنی رووبەڕی سەوزایی بۆ بەردەم پێشانگاكە”.
