لە رووداوێکی هاتوچۆدا لە بانوەقەل دوو کەس برینداربوون.
بەڕێوەبەرایەتیی هاتوچۆی راپەڕین بڵاویکردەوە، ئەمڕۆ لە بانوەقەل رووداوێکی هاتوچۆ لە جۆری وەرگەڕان روویدا و بەهۆیەوە دوو کەس برینداربوون، کە شۆفێر و سەرنشینی ئۆتۆمبێلەکە بوون.
ئاشکراشیکرد، شۆفێری ئۆتۆمبێلەکە بەهۆی سەختی برینەکەیەوە رەوانەی نەخۆشخانەی شار لە سلێمانی کراوە.
ئۆتۆمبێلەکە لە جۆری تۆیۆتا هایلۆکسە و زیانی ماددی زۆری لێکەوتەوە.
