بەڕێوەبەرایەتیی پۆلیسی پارێزگای هەولێر رایدەگەیەنێت، نۆ تۆمەتباریان دەستگیرکردووە کە بە رەگەز سوورین و لەسەر کێشەیەک، لە کەسێکیان داوە.
پۆلیسی هەولێر لە راگەیەندراوێکدا بڵاویکردەوە، ئەو تۆمەتبارانە لەگەڵ کەسێک لەسەر کێشەیەکی کۆنی کۆمەڵایەتی حەوت ساڵ لەمەوبەر، کە کێشەکە کۆتایی پێهاتبوو، لەسەر هەمان کێشە لە کەسێکیان داوە، بە سەختی برینداریان کردووە و لە هەمان شوێن بەجێیانهێشتووە.
ئاماژەی بەوەشکرد، دوای گەیشتنی پۆلیس بۆ شوێنی رووداو، توانرا لە ماوەیەکی کەمدا شوێنی تۆمەتباران دەستنیشان بکرێت و سەرجەمیان بە بڕیاری دادوەری لێکۆڵینەوە دەستگیربکرێن.
دەشڵێت، لەئێستادا پەڕاوی لێکۆڵینەوەیان بۆ کراوەتەوە و رادەستی دادگا کراون.
