ئەمڕۆ یەکشەممە، بانکی ناوەندیی عێراق یەکەم خستنەڕووی دۆلاری ئەم هەفتەیەی بڵاوکردەوە کە زیاتر لە 274 ملیۆن دۆلار بووە و بەهای 100 دۆلاری ئەمریکی ئێستا 149 هەزار و 750 دینارە.
بانکی ناوەندیی عێراق بۆ ئەمڕۆ 274 ملیۆن و 460 هەزار و 407 دۆلاری خستووەتەبازاڕەوە و لەو بڕەش 257 ملیۆن و 110 هەزار و 407 دۆلاری بە شێوەی حەواڵاتی دەرەکی بووە و 17 ملیۆن و 350 هەزار دۆلاریشی بەشێوەی کاش بووە.
بەهای دۆلار، زیاتر لە مانگێکە لە نزیک 150 هەزار دیناردایە و بەرزبوونەوە و نزمبوونەوەی کەم بەخۆیەوە دەبینێت، لە باشترین دۆخیدا تاوەکو 148 هەزار و 500 دینار دابەزینی بەخۆیەوە بینیووە و لە خراپترین دۆخیدا 150 هەزار و چەند سەد دینارێک بەرزبوونەوەی تۆمارکردووە.
