پێنج ڕۆژی لەسەر یەكە بەهای نەوتی خاو لە جیهاندا بەرزبوونەوە بەخۆیەوە دەبینێت، خاوی برێنت نزیكبووەتەوە لە 50 دۆلار بۆ هەر بەرمیلێك.
نەوتی خاوی برێنت ئەمڕۆ پێنجشەممە 26ی تشرینی دووەم، سەرەتای ڕۆژەكەی بە بەرزبوونەوە دەستپێكرد بەڵام لەكاتی بڵاوكردنەوەی ئەم هەواڵە بەراورد بە دەستپێكی ڕۆژ تاڕادەیەك نزمبوونەوەی بەخۆیەوە بینیووە، نرخی یەك بەرمیلی بەرامبەرە بە 48 دۆلار و 50 سەنت.
هەروەها نرخی یەك بەرمیل نەوتی خاوی تێكساس (ئەمریكا) بەرامبەرە بە 46 دۆلار و نۆ سەنت.
بەهۆی هیواكان بۆ بەردەست بوونی ڤاكسینی كۆرۆنا لە كاتێكی نزیكدا، كە زیاد لە كۆمپانیایەك بەرهەمیان هێناوە، چەند ڕۆژێكی لەسەر یەكە بەهای نەوت ڕوو لە بەرزبوونەوەدایە.
