بڕیاربوو ئەمڕۆ محەمەد شیاع سودانی سەرۆك وەزیرانی عێراق سەردانی كەركوك بكات بۆ بەشدارییكردن و كردنەوەی وێستگەی كارەبای غازی دووبز، بەڵام سەردانەكەی هەڵوەشاندەوە و هەر لەبەغداوە و لەرێگای تەلەفزیۆنەوە بەشداریی لە كردنەوەی وێستگەكە كرد.
هاوكات سودانی لەچوارچێوەی وتەكەیدا هۆكاری هەڵوەشاندنەوەی سەردانەكەی ئاشكراكرد، و وتی،” دەمانویست لە كەركوك ئامادەبین و ماوەیەك چاوەڕێی پێكهێنانی حكومەتی خۆجێی پارێزگاكە بووین، بەڵام وا دیارە پرسی ئیدارەی كەركوك كاتی دەوێت”.
سودانی لە وتارەكەیدا دەشڵێت، نەبوونی پارێزگار و حكومەتی خۆجێی وایكرد، سەردانی كەركوك نەكەم”.
