سەرۆکایەتیی شارەوانیی سلێمانی روونکردنەوەیەکی بڵاوکردەوە و لەبارەی دروستیکردنی پڕۆژەی نیشتەجێبوون لە چیای گۆیژە دەڵێت، “ئەو دەنگۆیانەی کە باسی لێوە دەکرێت هیچ بنەمایەکی راستی و درووستی نییە”.
سەرۆکایەتییەکە ئاماژەی بەوەشکردووە، چەند رۆژێکە لەدوای سوتانی بەشێک لە چیاکە، هەندێک پەیج و راگەیاندنی نافەرمی باس لە ئەنجامدانی پڕۆژەی وەبەرهێنانی نیشتەجێبوون لەسەر ئەو چیایە و دامێنی چیاکە دەکەن کە دارستانی فەرمیە و ساڵانە خزمەت دەکرێت.
جەختیشدەکتەوە، ئاگاداری هاوڵاتیانی دەکەین و رایدەگەیەنین کە هیچ پلان و بڕیارێک لەئارادا نییە بۆ ئەنجامدانی پڕۆژەی نیشتەجێبوون لە چیای گۆیژە.
