شێخ نەهرۆ کەسنەزانی، لە هاوپەیمانێتیی “تەقەدوم” كە محەمەد حەلبووسی سەرۆكایەتی دەكات کشایەوە و دەڵێت، “هیچمان نەبینی”.
لە نووسراوێكدا كە ئاراستەی سەرۆك و ئەندامانی هاوپەیمانێتیی “تەقەدوم”ی كردووە، شێخ نەهرۆ کەسنەزانی دەڵێت، “پاڵنەری پشت ئەو بڕیارەمان كە بووین بە هاوپەیمانی ئێوە، لەپێناو بەهێزكردنی هاوبەشیی نیشتمانی و كاری هاوبەش بە مەبەستی خزمەتكردنی وڵاتە خۆشەویستەكەمان بوو”.
نووسراوەكە كە واژووی شێخ نەهرۆ کەسنەزانی سەرۆكی تەریقەتی قادریی كەسنەزانیی لەسەرە تیایدا هاتووە، “بەڵام ئێمە هیچ هەنگاو و دەستپێشخەرییەكمان لەم هاوپەیمانێتییە نەبینی كە ئەم هاوبەشییە بسەلمێنێت، بۆیە پێمانخۆشە ئاگادارتانبكەینەوە كە لەم هاوپەیمانێتییە كشاوینەتەوە”.
