سەرۆکی ئەنجومەنی وەزیرانی عێراق، کە هاوکات فەرماندەی گشتیی هێزە چەکدارەکانی عێراقە کۆبوونەوەی بە سەرکردە ئەمنییەکان کرد لە بەغداد و چەند رێنماییەکی پێدان.
بەگوێرەی راگەیەندراوی نوسینگەی رۆژنامەوانی سەرۆک وەزیرانی عێراق، محەمەد شیاع سودانی خۆی سەرپەرشتی کۆبوونەوەکەی کردووە و لەسەر ئەو پەرەسەندنانەی چەند کاتژمێری رابردووی ناوچەکە بووە.
لە کۆبوونەوەکەدا گفتوگۆکراوە لەسەر هەموو بابەتە ئەمنییەکان کاردانەوە چاوەڕوانکراوەکانی دەرئەنجامی رووداوەکانی عێراق و ناوچەکە.
بە گوێرەی راگەیەندراوەکە، لە میانی کۆبوونەوەکەدا سودانی کۆمەڵێک رێنمایی و راسپاردەی بۆ پێکهاتە ئەمنی و سەربازییە جیاوازەکان دەرکردووە، بەبێ باسکردنی وردەکاری زیاتر.
