ئەمینداری گشتیی نەتەوە یەکگرتووەکان ئەنتۆنیۆ گۆتێرێش، پێیوایە عێراقییەکان دەتوانن ئەو سەختییانە تێپەڕێنن کە وڵاتەکەی پێدا تێدەپەڕێت.
گۆتێرێش لە میانی کۆنگرەیەکی رۆژنامەوانیدا لەگەڵ وەزیری دەرەوە فوئاد حسێن وتی، خۆشحاڵم بە سەردانکردنی بەغداد، جەختیشی لەوە کردەوە کە “عێراقییەکان بەسەر تەحەددیەکاندا زاڵدەبن”.
لە بەرامبەردا فوئاد حسێن وتی، سوپاسی ئەمینداری گشتیی نەتەوە یەکگرتووەکان دەکەین بۆ سەردانەکەی بۆ عێراق، جەختی لەوە کردەوە کە عێراق پەیوەندییەکی باهێزی لەگەڵ نەتەوە یەکگرتووەکان هەیە.
ئاماژەی بەوەشکرد، “ئێمە بەوپەڕی خۆشحاڵییەوە چاوەڕێی ئەنجامدانی کۆبوونەوە و گفتوگۆین لەگەڵ ئەمینداری گشتیی نەتەوە یەکگرتووەکان”.
درەنگانی شەوی رابردوو ئەمینداری گشتیی نەتەوە یەکگرتووەکان گەیشتە بەغداد، بڕیارە سەردانی هەرێمی کوردستانیش بکات و لەگەڵ بەرپرسانی هەرێم کۆببێتەوە.
