ماوەی سێ هەفتەیە ئەنجومەنی وەزیرانی هەرێم سازنەکراوە و تۆڕی میدیایی ئێستاش هۆکارەکەی ئاشکرادەکات.
ئەنجومەنی وەزیرانی هەرێم هەفتانە و لە رۆژانی چوارشەممەدا کۆبوونەوەی ئاسایی خۆی ئەنجامدەدات، بەڵام لە 10 دوای کۆبوونەوەی 10 ی تەمموزی ئەنجومەنەکە هیچ کۆبوونەوەیەکی دیکەی سازنەکردووە.
بەپێی زانیارییەکانی تۆڕی میدیایی ئێستا، ئەنجومەنی وەزیران بەهۆی نەبوونی هیچ پرسێک بۆ کۆبوونەوە ماوەی سێ هەفتەیە کۆنەبووەتەوە.
هەر بەپێی زانیارییەکان، پێدەچێت چوارشەممەی داهاتوو کۆبوونەوە بکرێت و بەرنامەی کار رابگەیەندرێت.
