بەڕێوەبەری راگەیاندن لە سەرۆكایەتیی شارەوانیی سلێمانی رایدەگەیەنێت، كاركردن لە پڕۆژەی شەقامی 100 مەتریی شاری سلێمانی بەردەوامە و لە ئێستادا 60%ی كارەكانی تەواوكراوە.
زەردەشت رەفیق، بەڕێوەبەری راگەیاندن لە سەرۆكایەتیی شارەوانیی سلێمانی لە لێدوانێكدا بە تۆڕی میدیایی ئێستای راگەیاند، كاركردن لە پڕۆژەی شەقامی 100 مەتریی شاری سلێمانی بەردەوامە و لە ئێستادا 60%ی كارەكانی تەواوكراوە و پڕۆژەكە هەنگاوەی باشی بڕیوە.
وتیشی، ” قیركردن لە پڕۆژەكە بەردەوامە و چەندین یەكتربڕی گەورەی تێدایە كە جێبەجێكراون”.
پێشتریش، ئەبوبەكر تەیب، بەڕێوەبەری پڕۆژەی شەقامی 100 مەتریی سلێمانی رایگەیاند، كار بۆ ئەوە دەكرێت ساڵی داهاتوو پڕۆژەكە بخرێتە خزمەتی هاوڵاتییانی شاری سلێمانییەوە.
