بڕیارە سبەی مەکتەبی سیاسیی یەکێتی و پارتی لە سلێمانی کۆببنەوە و تاوتوێیی چەند پرسێک بکەن.
بە گوێرەی زانیارییەکانی تۆڕی میدیایی ئێستا، بڕیار وایە سبەی یەکشەممە، هەردوو مەکتەبی سیاسیی یەکێتی نیشتیمانی کوردستان و پارتی دیموکراتی کوردستان لە دەباشان لە سلێمانی کۆببنەوە و تاوتوێی چەند پرسێک بکەن لەناویشیاندا پێکهێنانی حکومەتی خۆجێیی کەرکوک و نەینەوا یەکێک لە تەوەرەکان دەبێت.
هاوکات، گفتوگۆی بەڕێوەچوونی هەڵبژاردنەکانی هەرێمی کوردستان و پەیوەندی نێوان هەردوو حزبەکە، بەشێکی دیکە دەبێت لە ئامانجی کۆبوونەوەکە.
