لەناو باڵەخانەیەکی چوار نهۆمی لە ماسیکێ ئاگرکەوتەوە و دوو کەس برینداربوون و 10 کەسیش رزگارکران.
بەڕێوەبەرایەتیی بەرگریی شارستانیی دهۆک بڵاویکردەوە، کاتژمێر 7:28 خولەکی بەیانی ئەمڕۆ ئاگر لە باڵەخانەیەکی نیشتەجێبوونی چوار نهۆمی لە ماسیکێ کەوتەوە و دوای گەیشتنی تیمەکانمان توانرا ئاگرەکە کۆنتڕۆڵبکرێت.
ئاشکراشیکرد، خێزانێکی 10 کەسی لەناو باڵەخانەکەدا گیریانخواردبوو، توانرا سەرجەمیان بە سەلامەتی رزگاربکرێن.
باسیلەوەشکرد، لە رووداوەکەدا دوو کەس بە سووکی سووتان و چەند کەسێکی دیکەش تووشی تەنگەنەفەسی بوون.
