هەڵگورد زرار، شارەزای بواری كەشناسی رایگەیاند، لە ئێستادا لە بەشێكی زۆری ناوچەكان بارانبارین دەستیپێكردووە و پێشبینیدەكرێت ئەمشەو و سبەی سێشەممەش بەردەوامبێت و ڕێژەیەكی باشی باران ببارێت تایبەت ناوچەكانی دهۆك و شاخاوییەكانی هەولێر و ئیدارەی سۆران و ئیدارەی راپەڕین و لە ناوچەكانی دیكە ئەگەری بارانی مامناوەند هەیە.
دەشڵێت، “كەمترین بڕ بۆ ناوچەكانی ئیدارەی گەرمیان دەبێت و پلەكانی گەرما زیاتر دادەبەزن و لە ناوچە شاخاوییە بەرزەكان ئەگەری بەفربارین هەیە”.
وتیشی، “خێرایی با بە رێژەی 45 بۆ 50 كم چالاك دەبێت كاریگەری شەپۆلەكە بە هەوری ناوخۆییەوە تاوەكو ئێوارەی و شەوی چوارشەممە لەسەر پێنجشەممە بەدەوامدەبێت دواتر كۆتایی دێت.
