تازەلاوێکی هیندی لە ویلایەتی کیرلای وڵاتەکەی بەهۆی تووشبوونی بە ڤایرۆسی نیپا گیانیلەدەستدا.
وەزیری تەندروستی کیرلای هیندستان رایگەیاند، تازەلاوەکە تەمەنی 14 ساڵانە، لەدوای مردنی رێکارە خۆپارێزییەکان گیراونەتەبەر، 60 کەس کە بەرکەوتنیان لەگەڵیدا هەبووە، ئەگەری تووشبوونیان بە ڤایرۆسەکە هەیە و کەرەنتین کراون.
ڤایرۆسی نیپا بۆ یەکەمجار پێش 25 ساڵ لە مالیزیا دەرکەوت دواتر لە وڵاتانی بەنگلادیش و هندستان و سەنگافورە بڵاوبووەوە و لە ساڵی 2018 جارێکی دیکە لە هیندستان دەرکەوتەوە.
ڤایرۆسەکە لە رێگای شەمشەمەکوێرە و بەراز و خواردنەوە دەگوازرێتەوە بۆ مرۆڤ، دەبێتە هۆی بەرزبوونەوەی پلەی گەرمی جەستە و هەڵاوسانی مێشک و لەبەرئەوەی تا ئێستا هیچ چارەسەرییەکی بۆ نەدۆزراوەتەوە دەبێتە هۆی مردن.
