وەزیری تەندروستیی هەرێم، رایدەگەیەنێت، ” کارەکانی بە ئەلیکترۆنیکردنی سیستمی تەندروستی لە قۆناغەکانی کۆتاییدان”.
سامان بەرزنجی، وەزیری تەندروستیی هەرێم، بە رۆژنامەنووسانی راگەیاند، بە ئەلیکترۆنیکردنی سیستمی تەندروستی وادەکات هەر هاوڵاتییەک لە هەر تەمەنێکدا بێت، ببێت بە خاوەنی کارت و کۆدی تایبەت بەخۆی، هاوشێوەی وڵاتانی دیکە.
ئاماژەی بەوەش کرد، لە قۆناغەکانی کۆتایی و کارگێڕیی سیستمەکەداین و لە داهاتوویەکی نزیکدا پرۆژەکە لە تەواوی هەرێمی کوردستان دەستپێدەکات.
باسی لەوەش کرد، پرۆژەکە کەرتی گشتی و تایبەتیش دەگرێتەوە و دەبێتە یەکەمین پرۆژە لەسەر ئاستی عێراق کە هاوڵاتی بە کەرتی تەندروستییەوە دەبەستێتەوە.
