نەتەوە یەکگرتووەکان هۆشداری دەدات لە هێرشی گروپێکی چەکدار لە قەڵای هەولێر

بەشی سەلامەتی و ئاسایشی نەتەوە یەکگرتووەکان هۆشداری دەدات، کە لە 48 کاتژمێری داهاتوودا گروپێکی چەکدار لە ناوچەی قەڵای هەولێر پشێوی دروستدەکات.

لە هۆشدارییەکەی نەتەوەیەکگرتووەکاندا هاتووە، “بەشی سەلامەتی و ئاسایشی نەتەوە یەکگرتووەکان زانیاریی باوەڕپێکراوی پێگەیشتووە، کە گروپی چەکداری رێکخراو پلانی هەیە بۆ دروستکردنی پشێوی لە ناوچەی قەڵای هەولێر لە 48 کاتژمێری داهاتوودا”.

لە هۆشدارییەکەدا ئاماژە بەوەشکراوە، ” لە ئێستادا جۆری هێرشەکە و کاتی دیاریکراو بەردەست نییە، بەڵام زانیارییە پشڕاستنەکراوەکان پێشنیازدەکەن، کە پێویستە بە وریاییەوە مامەڵەبکرێت لەکاتی سەردانیکردنی ناوچەی قەڵا”.

نووسراوەکە داواش لە کارمەندانی نەتەوە یەکگرتووەکان دەکات هۆشیاریی باری ئاسایشی کەسی پەیڕەوبکەن و لە ناوچەی قەرەباڵغ و کۆبوونەوە دووربکەونەوە و ئاگاداری چواردەوری خۆیان بن و لە هەر چالاکییەکی نائاسایی، ژووری پەیوەندیی بەشی سەلامەتی و ئاسایشی نەتەوە یەکگرتووەکان ئاگاداربکەنەوە.

بەپێی زانیارییەکانی تۆڕی میدیایی ئێستا هێزەکانی ئاسایش لە حاڵەتی ئامادەباشیدان و پۆلیسی زیاتر ڕەوانەی ناوچەکە کراون.

بابەتی پێشتر

لە هێرشی چەکدارانی تاڵیبان بۆسەر ئاهەنگێکی هاوسەرگیری دوو کەس کوژران

بابەتی دواتر

لە هێرشێکی چەکدارانی داعشدا دوو پێشمەرگە شەهید بوون

بابەتی پەیوەندیدار
زیاتر ببینە

یەكێكیان گەڕاندنەوەی پاشەكەوتە
گۆڕانكارییەكانی پەیوەست بە هەرێم لە پرۆژەیاسای بودجە لادەبرێن

بڕگەی گەڕاندنەوەی پاشەكەوتی مووچەی فەرمانبەرانی هەرێم و بڕگە هەمواركراوەكانی دیكەی پرۆژەیاسای بودجە پەیوەست بە هەرێمی كوردستان لادەبرێن. میدیا…
Total
0
Share