دوای دوو رۆژ لە خنکانی، هێشتا تەرمی مامۆستاکەی دەربەندیخان نەدۆزراوەتەوە.
سڵێمان محەمەد، قائیمقامی دەربەندیخان، بە تۆڕی میدیایی ئێستای راگەیاند، تاوەکو ئێستا تەرمی ئەو مامۆستایە نەدۆزراوەتەوە کە شەوی هەینیی رابردوو لە دەریاچەی دەربەندیخاندا خنکا.
وتیشی، گەڕانی تیمەکان بۆ دۆزینەوەی تەرمەکە بەردەوامە و داوامانکردووە تیمی بەرگریی شارستانیی مەریوان بێن و بڕیارە سبەینێ بگەن.
شەوی هەینیی رابردوو، مامۆستایەک بە ناوی (سامان ئەحمەد)، لە کاتی مەلەکردندا لە دەریاچەی دەربەندیخان خنکا.
