لە سبەینێوە بۆ ماوەی هەشت رۆژ، رێگای سەرەکیی هامڵتۆن (سۆران _ چۆمان) لە نێوان گەڵاڵە تاوەکو گوندی رەزان، دادەخرێت.
بەڕێوەبەرایەتیی چاککردنەوە و پاراستنی رێگاوبانی سۆران لە راگەیەندراوێکدا بڵاویکردەوە، بەهۆی قیرتاوکردنی بەشێک لە رێگای سەرەکیی هامڵتۆن (سۆران _ چۆمان) لە نێوان گەڵاڵە تاکو گوندی رەزان، لە رۆژی شەممە 13 ی تەمموزی 2024 بۆ ماوەی هەشت رۆژ، سایدی هاتن لە چۆمان بۆ سۆران لە کاتژمێر 7 ی بەیانی تاوەکو 9 ی ئێوارە دادەخرێت.
لەبارەی رێگای جێگرەوەوە بەڕێوەبەرایەتییەکە دەڵێت، شۆفێران بۆ هاتن بۆ سۆران رێگای (گەڵالە_ کانیەزیل _ داروسەلام) بەکاربهێنن، رێگای چوون لە سۆران بۆ چۆمان لەهەمان رێڕەوی خۆی ئاسایی دەبێت.
