بەڕێوەبەرایەتیی گشتیی كەشناسی و بومەلەرزەزانیی هەرێم پێشبینییەكانی بۆ كەشوهەوای ئەمڕۆ و سبەی بڵاوكردەوە و ئاماژە بۆ ئەوەش كراوە كە ئاسمان ساماڵ دەبێت لەگەڵ بوونی تۆزێكی سووك.
بەپێی راگەیەندراوێكی بەڕێوەبەرایەتیی گشتیی كەشناسی و بومەلەرزەزانیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ هەینی ئاسمان ساماڵ دەبێت لەگەڵ بوونی تۆزێكی سووك بە تایبەتی لە پارێزگای كەركوك و ناوچەكانی باشووری هەرێم و پلەكانی گەرما لە ناوچەكانی باكووری هەرێم كەمێك بەرزتردەبن لە تۆماركراوەكانی دوێنێ، بەڵام لەپارێزگای كەركوك و ئیدارەی گەرمیان كەمێك نزمتردەبن.
هەر لە راگەیەندراوەكەدا هاتووە، سبەی شەممە ئاسمان ساماڵ دەبێت لەگەڵ بوونی تۆزێكی سووك لە ناوچەكانی باشووری هەرێم و پلەكانی گەرما كەمێك نزمتردەبن بەڕێژەی (1-2) پلە بە بەراورد بە تۆماركراوەكانی ئەمڕۆ.
بەرزترین پلەكانی گەرمای پێشبینیكراو بە پلەی سیلیزی:
هەولێر : 45سلێمانی : 41دهۆك : 43كەركوك : 45هەڵەبجە : 44زاخۆ : 42سۆران : 40حاجی ئۆمەران : 33گەرمیان : 46
