وەزارەتی دارایی هەرێم رایدەگەیەنێت، ئاگاداری سەرجەم هاوڵاتییان دەكەین سبەی دووشەممە پشووی بانكییە لە سەرجەم بانكە حكومییەكانی سەر بەبەڕێوبەرایەتیی گشتیی بانكە بازرگانییەكانی وەزارەتی دارایی و ئابوریی هەرێمی كوردستان.
بەپێی راگەیەندراوێكی وەزارەتی دارایی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئاگاداری سەرجەم هاوڵاتییان دەكەین سبەی دووشەممە 1ی تەمموز پشووی بانكییە لە سەرجەم بانكە حكومییەكانی سەر بەبەڕێوەبەرایەتیی گشتیی بانكە بازرگانییەكانی وەزارەتی دارایی و ئابوریی هەرێمی كوردستان.
هەر لە راگەیەندراوەكەدا هاتووە، سبەی دەرگای بانك بەڕووی هاوڵاتییان دادەخرێت، تەنها فەرمانبەران دەوامی ئاسایی خۆیان دەكەن بەمەبەستی رێكخستنی هاوسەنگی نیوەی ساڵی دارایی 2024.
