بەڕێوەبەرایەتیی گشتیی بازرگانیی هەرێم بڵاویکردەوە، لە سەرەتای دەستپێکردنی وەرزی بە بازاڕکردنی گەنمی جوتیارانی هەرێم تا ئێستا 210 هەزار و 133 کیلۆ و 62 گرام گەنم رادەستی سایلۆکان کراوە.
لە راگەیەندراوێکی بەڕێوەبەرایەتیی گشتیی بازرگانیی هەرێمدا هاتووە، لە سەرەتای دەستپێکردنی وەرزی بە بازاڕکردنی گەنمی جوتیاران تا 23 ی ئەم مانگە لە پارێزگای سلێمانی 80 هەزار تۆن و 993 کیلۆ و 650 گرام و لە پارێزگای هەولێر 62 هەزار تۆن و 592 کیلۆ و 472 گرام و لە پارێزگای دهۆک 66 هەزار تۆن و 546 کیلۆ و 940 گرام گەنم وەرگیراوە.
ئاشکراشیکرد، بە کۆی گشتیی 210 هەزار تۆن و 133 کیلۆ و 62 گرام وەرگیراوە و پرۆسەی وەرگرتنی گەنمیش بەردەوامە.
چاوەڕێ دەکرێت تا کۆتاییهاتنی وەرزی بەبازاڕکردنی گەنمی جوتیاران، بڕی گەنم بگاتە نزیکەی یەک ملیۆن تۆن.
