وەزیری نەوتی عێراق ئەوەی ئاشکراکرد، لە گفتوگۆدان بۆ پێداچوونەوە بە گرێبەستە نەوتییەکانی هەرێم و پلانیان هەیە بۆ گواستنەوەی وزەی خاوێن.
حەیان عەبدولغەنی، وەزیری نەوتی عێراق لەمیانەی بەشداریکردنی لە شەشەمین کۆنفڕانسی نێودەوڵەتیی دیالۆگ لە بەغداد رایگەیاند “بەهۆی بڕیاری دادگای پاریس هەناردەی نەوتی هەرێمی کوردستان راگیراوە و لەگەڵ حکومەتی هەرێم لە گفتوگۆداین بۆ دەستپێکردنەوەی هەناردەی نەوتی کوردستان”.
ئەوەشی خستەڕوو، “لەگەڵ کۆمپانیاکان لە گفتوگۆداین بۆ پێداچوونەوە بە گرێبەستە نەوتییەکانی هەرێمی کوردستان و کشانەوەی کۆمپانیاکان پاڵنەری ئابوورین نەوەک سیاسی”.
ئەو وەزیرەی عێراق دەشڵێت، “بەغداد رۆژانە چوار ملیۆن بەرمیل نەوت بەرهەمدەهێنێت و پلانەکان بۆ گواستنەوەی وزەی خاوێن خراونەتە بواری جێبەجێکردنەوە”.
